Rhieni Dros Addysg Gymraeg                                                                     Yn galw rhieni ysgolion cyfrwng Cymraeg Pen-y-bont ar Ogwr!

Mae Cyngor Pen-y-bont yn ystyried rhoi’r gorau i ddarparu cludiant am ddim i ddisgyblion sy’n derbyn Addysg 16+ oed ynghyd â newidiadau eraill i bolisi cludiant yr Awdurdod. Rydym ni am asesu’r effaith a gaiff hyn ar Ysgol Gyfun Gymraeg Llangynwyd ac addysg Gymraeg yn gyffredinol yn y Sir.

Gofynnwn i rieni gwblhau’r holiaduron canlynol. Mae un ar gyfer y sector uwchradd a’r llall ar gyfer y cynradd.

Annogwch unrhyw deulu, ffrindiau a chymdogion sydd â phlant yn mynychu ysgolion Cymraeg y Sir i gyfranogi. Bydd pob ymateb yn cyfrif!

Diolch am eich cydweithrediad.

Holiadur Uwchradd
http://moodle.bridgend.gov.uk/y…/mod/questionnaire/view.php…

Holiadur Cynradd:

http://moodle.bridgend.gov.uk/y…/mod/questionnaire/view.php…

Swper Nadolig Menter Bro Ogwr

Nos Iau 4ydd o Ragfyr 2014                                                                         Bwyty’r Tymhorau, Coleg Pen-y-bont ar Ogwr,                                             7.15yh am 7.30yh

Pryd o fwyd 3 chwrs: £15.95

RHAID TALU BLAENDAL O £5 ERBYN: 21.11.14                                  

Cysylltwch a Menter Bro ogwr neu ewch i Siop Yr Hen Bont ym           Mhen-y-bont i archebu eich lle.                                                             01656 732200                                                               menter@broogwr.org

Wyt ti’n dysgu Cymraeg? Dal Ati gydag S4C bob dydd Sul

Hydref 15, 2014 fydd yr ail tro inni ddathlu Diwrnod Shwmae Su’mae! gan ddechrau pob sgwrs yn Gymraeg.

Mae Diwrnod Shwmae Su’mae? yn gyfle inni atgyfnerthu a
dathlu’r Gymraeg a’r ffyrdd yr ydym yn cyfarch ein gilydd yn
Gymraeg yn ein cymunedau. Mae’n gyfle hefyd i gefnogi ac annog ymdrechion pawb sydd wrthi’n dysgu Cymraeg ledled Cymru.

Mae’r Gymraeg yn perthyn i bawb a gallwn ni i gyd ddefnyddio’r Gymraeg ymhob man! Yn y siop, y ganolfan hamdden, y gwaith, wrth geisio gwasanaeth Cymraeg yn ein cymuned, gyda ffrindiau.

Am ddathlu’r diwrnod? Dewch i ddweud Shwmae! i rai o Fudiadau Cymraeg yr ardal ym Mhen-y-bont a Phorthcawl. Byddwn ni a Mr Urdd yn eich cyfarch yn y lleoliadau isod:

Halo, Pen-y-bont: 09:30 – 11:00
Llyfrgell Pen-y-bont: 10:00 – 11:00
Canol Tref Pen-y-bont ar Ogwr: 11:30 – 13:00
Stryd John, Porthcawl: 14:00 – 16:00

Bydd cyfle hefyd i chi ennill gwobr yn Siop yr Hen Bont ar y dydd! Bydd Menter Bro Ogwr yn rhoi gwobr i’r hanner canfed person sy’n dod i mewn i’r siop ac yn dechrau’r sgwrs trwy ddweud Shwmae!

Cysylltwch â Menter Bro Ogwr:
01656 732200 / menter@broogwr.org

Sadwrn Siarad

Campws Pen-y-bont
18/10/14
£10

Sgyrsiau am hanes a diwylliant Cymreig i ddysgwyr Cymraeg.

13.10.14 – Iolo Morgannwg gyda Mary Ann Constantine                 

10.11.14 – Hanes y Ddihangfa Fawr o Wersyll Carcharorion Rhyfel       Fferm yr Ynys gyda Mike Clubb

7:30yh, Tŷ Risha, Pen-Y-Cae, Pen-y-bont, CF32 9SN                                     Cost: £2 neu am ddim i aelodau

Am ragor o fanylion, cysylltwch ag Amanda Evans menter@menterbroogwr.org                                                                             01656 732 200

A4_Poster – Medi i Dachwedd 14 _3_

Cyngerdd Cyhoeddi Gŵyl Cerdd Dant Porthcawl a’r Fro                                                         6.00yr hwyr nos Iau Hydref yr 16eg, 2014                                                                                       Eglwys yr Holl Saint, Porthcawl                                                                                                      £5 i Oedolion  Plant am Ddim                                                        

Performiadau Gan: Aelwyd Porthcawl, Dawnswyr Penyfai Dancers, Cantorion Coeti Singers, Ysgol Cynwyd Sant, Ysgol Gymraeg Bro Ogwr, Ysgol Gynradd Gymraeg Cwm Garw, Ysgol Gyfun Gymraeg Llangynwyd, Ysgol y Ferch o’r Sgêr

Tocynnau ar gael o Siop yr Hen Bont, ysgolion Cymraeg Bwrdeistref Sirol Penybont neu wrth y drws.

Poster Cyngerdd cyhoeddi Gŵyl Cerdd Dant Porthcawl a’r Fro

Swyddog Ieuenctid                                                                         CYFLOG £16,000 – £20,000                 LLEOLIAD: Pen-y-bont ar Ogwr

Mae hon yn swydd hollbwysig yn y Sir ac mae angen unigolyn egniol, hyderus, brwdfrydig ac awyddus i ysgwyddo cyfrifoldeb dros hyrwyddo, cydgysylltu a darparu rhaglenni gwaith ieuenctid ar gyfer pobl ifanc dros 11 oed.

Bydd eich cylch gwaith amrywiol yn cynnwys darpariaeth ar gyfer cyfleuster ‘galw i mewn’, cefnogaeth un i un a sesiynau gwaith grŵp gan ddatblygu a chefnogi’r rhaglenni sy’n bodoli’n barod gyda siaradwyr Cymraeg a dysgwyr cymunedau’r fwrdeistref.

Byddai chymhwyster cydnabyddedig mewn gwaith ieuenctid yn ddelfrydol, ond ddim yn hanfodol. Bydd profiad o weithio gyda phobl ifanc yn fanteisiol i chi ddatblygu strategaethau ac i ddelio’n effeithiol gyda’u hanghenion a’u pryderon.

Mae’r gallu i gyfathrebu’n effeithiol a phobl ifanc, cydweithwyr a’r gymuned, profiad o ddefnyddio rhaglenni cyfrifiadurol, ynghyd a thrwydded yrru gyfredol a defnydd o gar yn hanfodol ar gyfer y swydd hon.

Am fanylion pellach ynglŷn â’r swydd uchod, cysylltwch ag Amanda Evans ar 01656 732200 neu menter@broogwr.org

Dyddiad cau: Dydd Llun, 6ed o Hydref 2014 am hanner dydd.