Tro gyda Stori Mae angen aduno Ted y Tedi gyda’i berchennog! Dilynwch ei gyfarwyddiadau a dewch am dro o amgylch y goedwig yn edrych am ddarnau o’r stori. Wrth ddarllen y stori, byddwch chi’n cael y cyfle i gwrdd ag Anifeiliaid y Goedwig ac yn dysgu geirfa newydd ar fore hwyl gyda’r teulu. Rhaid bwcio o flaen llaw. Cysylltwch â Kathryn ar 01656 732200 neu kathryn@menterbroogwr.org
Am 7pm, nos Fawrth 24 Mehefin yng Nghlwb Rygbi Pen-y-bont ar Ogwr bydd cyfarfod yn cael ei gynnal i drafod y gwahoddiad sydd wedi ei estyn i Eisteddfod Genedlaethol yr Urdd ymweld â Bwrdeistref Pen-y-bont ar Ogwr yn 2017.
Bydd Cynghorau Lleol, Cyrff Cyhoeddus, Cymdeithasau a Mudiadau Gwirfoddol a’r cyhoedd yn cael eu gwahodd i’r cyfarfod i drafod cynnal yr Eisteddfod yn yr ardal yn 2017.
Yn annerch yn y cyfarfod bydd Efa Gruffudd Jones, Prif Weithredwr yr Urdd, Aled Siôn, Cyfarwyddwr yr Eisteddfod, Dyfrig Davies, Cadeirydd Bwrdd yr Eisteddfod a’r Celfyddydau a chynrychiolydd o Gyngor Bwrdeistref Pen-y-bont ar Ogwr.
Hwn fydd y cyswllt cyntaf rhwng Adran yr Eisteddfod a thrigolion yr ardal ac yn y cyfarfod, os bydd gwahoddiad ffurfiol yn cael ei estyn i’r Eisteddfod, bydd yr Urdd yn chwilio am enwebiadau ar gyfer y Pwyllgor Gwaith a gwybodaeth yn cael ei rannu am ddyddiadau’r pwyllgorau testunau.
Yn ôl Efa Gruffudd Jones, Prif Weithredwr yr Urdd, “Mae gwirfoddolwyr yr Urdd a’r Cyngor eisoes wedi datgan eu cefnogaeth a’u hymrwymiad i’r Ŵyl ac rydym yn edrych ymlaen yn fawr i gyfarfod â thrigolion yr ardal gyda’r gobaith o ddod â’n Prifwyl i’r ardal yn 2017.”
Ychwanegodd Aled Siôn, Cyfarwyddwr yr Eisteddfod, “Bwriad y cyfarfod hwn fydd derbyn sêl bendith yr ardal – y cymdeithasau, mudiadau, sefydliadau a’r trigolion – i wahodd Eisteddfod yr Urdd i’r Sir. Nid ydym wedi ymweld gyda’r ardal ers Eisteddfod yr Urdd Maesteg yn 1979, a byddai’n braf iawn cynnal ein Eisteddfod Genedlaethol yn y rhan yma o Gymru unwaith eto.”
‘Dych chi eisiau bod yn rhan o’r chwyldro cyfryngau cymdeithasol? ‘Dych chi eisiau gwybod sut mae defnyddio Facebook neu ddysgu mwy am ‘Tweets’? Bydd y sesiwn blasu yma’n cyflwyno chi i Facebook a Twitter gan ddysgu’r pethau sylfaenol sydd eisiau arnoch chi i gael chi’n cysylltu â ffrindiau mewn dim amser o gwbl! Sesiwn ar gyfer dysgwyr a siaradwyr Cymraeg.
Yn: Adran Dysgu Oedolion yn y Gymuned, Ysgol Iau Llangewydd, Heol Llangewydd, Cefn Glas, Pen-y-bont ar Ogwr, CF31 4JT
2 – 3
Am ragor o fanylion neu i fwcio lle, cysylltwch â Menter Bro Ogwr 01656 732200 / menter@broogwr.org
Ar y 29ain o Fai 2014, aethon ni ar daith dros nos gyda 12 o blant i Fferm Ymddiriedolaeth Amelia. Cafodd y plant ddau ddiwrnod llawn hwyl a sbri ar y fferm yn gwneud amrywiaeth o weithgareddau, megis helfa dail, chwaraeon, ymweld â’r anifeiliaid, creu wynebau mwd, coginio cookies, a llawer mwy.
Roedd hi’n ddiwrnod gwlyb wrth i ni gyrraedd y fferm ond gyda’r wellies a chot glaw ymlaen wnaeth y glaw ddim stopio’r plant rhag cael hwyl yn edrych o gwmpas y fferm a chrwydro o fewn y goedwig. Roedd yn brofiad iddyn nhw aros dros nos i ffwrdd o’u rhieni, ond fe wnaeth pawb fwynhau.
Roedd yn bleser i gael y plant a gweld nhw’n mwynhau’r profiad yma, diolch i chi am fynychu acedrychaf ymlaen at deithiau’r Fenter yn y dyfodol.
Mae Carnifal Porthcawl yn cael ei gynnal eleni ar ddydd Sadwrn Gorffennaf 19eg gyda’r thema ‘dathlu bywyd ac oesoedd Porthcawl ers 1914’. Rydym yn bwriadu trefnu fflôt a stondin yn y carnifal i ddangos y gefnogaeth a chyfleoedd sydd ar gael trwy gyfrwng y Gymraeg o fewn Sir Pen-y-bont ar Ogwr.
Croeso cynnes i chi ymuno â ni er mwyn sicrhau ein presenoldeb yng Ngharnifal Porthcawl.
Am ragor o fanylion cysylltwch ag Amanda Evans, Prif Swyddog Iaith Menter Bro Ogwr
01656 732200 neu e-bostio: menter@broogwr.org
Dydd Mercher 18 Mehefin 11.30am a 1.30pm
Theatre Iolo – Perfformiad Cymraeg
Comedi ddisglair a brathlyd â golwg bryfoclyd ar ddynameg teulu gan y dramodydd arobryn Gary Owen.
Ceir teulu – Mam, Dad, dau o blant a chath. Mae dad yn dweud nad yw e am ddathlu ei ben-blwydd. Felly mae mam yn dilyn ei gyfarwyddiadau: nid yw hi na’r plant yn paratoi unrhyw ddathliadau ar gyfer ei ben-blwydd. Ond mae dad yn grac iawn nad oes unrhyw un wedi paratoi unrhyw ddathliadau ar gyfer ei ben-blwydd a phan fydd rhwystredigaeth dad yn cyfuno â grym dinistriol y gath, daw anhrefn llwyr i’r teulu.
Mae’n bleser gan gwmni arobryn Theatr Iolo (Enillydd y Ddrama Orau i Blant a Phobl Ifanc: Gwobr Beirniaid Theatr Cymru 2013) gyflwyno’r sioe newydd sbon hon i deuluoedd ac ysgolion yn y Gymraeg. I rai 6+ oed.
Tocynnau £5
1 tocyn am ddim i athro/athrawes am bob 8 a archebir
Dewch gyda Menter Bro Ogwr i ddathlu diwylliant a threfftadaeth Cymru yn un o wyliau mwyaf y byd!
Pris: £10.50 (Bws yn unig)
Man Codi ac amser:
Gwasanaethau Sarn 9:00yb
Maes Parcio Salt Lake Porthcawl 9:20yb
Byddwn yn gadael yr Eisteddfod am 6.00yp.
Archebwch eich lle nawr!
Ffoniwch Menter Bro Ogwr – 01656 732 200 neu ewch i Siop yr Hen Bont
Dyddiad Cau: 21.07.14
Mae ‘Dyfodol i’r Iaith’ wedi cyflwyno deiseb i Gynulliad Cenedlaethol Cymru yn tynnu sylw at waith y Mentrau Iaith ac yn galw am drefn ariannu deg i’r Mentrau.
Os allech lofnodi’r ddeiseb isod a rhannu’r manylion gyda’ch cyfeillion byddem yn ddiolchgar iawn.
“Galwn ar y Cynulliad i ofyn i Lywodraeth Cymru:
longyfarch y Mentrau Iaith am eu gwaith arloesol yn hybu a hyrwyddo’r defnydd o’r Gymraeg ar draws Cymru; cadarnhau fod y Mentrau yn bartner allweddol i’r Llywodraeth yng nghyswllt gwireddu ei Strategaeth Iaith; ymateb yn brydlon i arolwg Prifysgol Caerdydd ar waith y Mentrau, gan sicrhau fod y cyllid a roddir iddynt yn adlewyrchu’n deg faint y dasg sy’n eu hwynebu – tra’n derbyn fod angen cynyddu, yn sylweddol iawn, yr arian sydd ar gael iddynt; derbyn bod angen cysondeb rhwng y Mentrau o ran eu hariannu, a bod angen dod â’r anghysondeb presennol i ben; ariannu Mentrau Iaith Cymru yn deg, gan sicrhau ei fod yn gallu chwarae rôl gyflawn wrth gydlynu gwaith y Mentrau a chynnig cymorth ac arweiniad iddynt; sicrhau y bydd y Safonau Iaith yn gorfodi awdurdodau lleol Cymru i gefnogi gwaith y Mentrau, a bod yr awdurdodau yn gweithio’n agos gyda’r Mentrau; chwarae rôl lawn er mwyn cynnig arweiniad strategol yng nghyswllt cynllunio cymunedol.”
https://www.assemblywales.org/cy/gethome/e-petitions/epetition-list-of-signatories.htm?pet_id=984
Diolch o flaen llaw am eich cefnogaeth.
O ddydd Llun, 10fed o Fawrth 2014 ymlaen, bydd Siop yr Hen Bont yn cau pob dydd Llun.
Dydd Llun – Ar gau
Dydd Mawrth – 09:15 – 16:45
Dydd Mercher – 09:15 – 16:45
Dydd Iau – 09:15 – 16:45
Dydd Gwener – 09:15 – 16:45
Dydd Sadwrn – 09:15 – 16:45
Dydd Sul – Ar gau