Archif Awdur: Golygydd Menter
Parti Calan Gaeaf
Helfa Nadoligaidd
Stori gyda Siôn Corn
PATAGONIA 150: Te Cymreig
Dyddiad: 19.09.15
Lleoliad: The Pop Up Tea Room, Neuadd Blandy, Trelales
Amser: 3:00yp
Cost: £16
Dewch am de Cymreig traddodiadol yng nghwmni Elvira Moseley i ddathlu 150 mlynedd ers sefydlu’r Wladfa Gymreig ym Mhatagonia.
Ganwyd a magwyd Elvira ym Mhatagonia ond mae hi bellach yn byw ym Maglan. Roedd ei pherthnasau ymysg y cyntaf i hwylio i Batagonia ar y Mimosa. Dewch i glywed am ei hanes a’i phrofiadau tra’n llenwi eich boliau â theisenni blasus!
Rhaid bwcio erbyn dim hwyrach na:
04.09.15
Archebwch le nawr!
Ewch i Siop yr Hen Bont neu ffoniwch 01656 732200!
Cynllun Chwarae Cymraeg am ddim!
Haf 2015
27 Gorffennaf – 21 Awst
10:00yb – 2:00yp
Ar agor i blant oed 8 – 13 sy’n derbyn addysg cyfrwng Cymraeg cyfnod allweddol 2 a 3.
Mynediad am ddim.
Mae croeso i blant y 4 Ysgol Gymraeg fynychu’r cynllun ym mhob un o’r lleoliadau.
Mae’r staff i gyd wedi eu profi gan y Biwro Cofnodion Troseddau ac yn brofiadol ym maes gwaith plant ac ieuenctid.
27.07.15– 31.07.15: Ysgol Gynradd Gymraeg Bro Ogwr, Princess Way, Bracla,CF31 2LN
03.08.15 – 07.08.15: Ysgol Gynradd Gymraeg Cwm Garw Hill View, Pontycymer, Pen-y-Bont CF32 8LU
10.08.15 – 14.08.15: Ysgol Gyfun Gymraeg Llangynwyd, Llangynwyd, Maesteg, CF34 9RW
17.08.15 – 21.08.15: Ysgol Gynradd Gymraeg Y Ferch o’r Sgêr Greenfield Terrace, Gogledd Corneli, Pen-y-bont CF33 4LW
Am ragor o wybodaeth cysylltwch â:
Menter Bro Ogwr
Tŷ’r Ysgol
Pen yr Ysgol
Maesteg
CF34 9YE
01656 732200
07870 372669
kathryn@menterbroogwr.org
Siop Siarad yn Trafod Ymgyrch #joia
Cawson ni hwyl fawr yn trafod ymgyrch ddigidol ddiweddaraf Mentrau Iaith Cymru yn y Siop Siarad ar y 10fed o Orffennaf. Yn syml, ymgyrch i annog mwy o bobl, hen ac ifanc i ddefnyddio mwy o’u Cymraeg fel rhan o’u bywydau bob dydd yw #joia.
Trafododd y grŵp am beth roedden nhw’n joio gwneud yn Gymraeg. Gofynnon ni hefyd iddyn nhw ddisgrifio’r Siop Siarad mewn un gair Cymraeg. Dyma luniau o’r sesiwn ac ein cyfraniad ni tuag at yr ymgyrch!
Mae’r Siop Siarad yn cael ei gynnal yn Siop yr Hen Bont, Pen-y-bont bob dydd Iau. Mae’n rhoi’r cyfle i ddysgwyr ymarfer sgwrsio a holi cwestiynau tu fas i’r dosbarth.
Grŵp 1: 12:45pm – 1:30pm. Ymarfer patrymau iaith lefelau Mynediad a Sylfaen
Grŵp 2: 1:30pm – 2:15pm. Dechrau sgwrsio yn Gymraeg
Grŵp 3: 2:15pm – 3:00pm. I bobl sy’n gallu cynnal sgwrs yn Gymraeg
Am ragor o wybodaeth cysylltwch â Marged.
01656 732200
Diweddu Gŵyl Gymraeg Menter Bro Ogwr gan ffarwelio â’n Swyddog Ieuenctid – Yasmin Morris
Mae wythnos Gŵyl Gymraeg y Fenter wedi dod i ben gyda phawb wedi joio sawl un o’r digwyddiadau a gynhaliwyd. Diolch yn fawr iawn i bawb sydd wedi ein cefnogi ni; plant, pobl ifanc ac oedolion.
Ni fyddai’r digwyddiadau yma’n bosib heb waith trefnu, paratoi ac ymroddiad tîm cyfan y Fenter a chefnogaeth gwirfoddolwyr a rhoddodd eu hamser i sicrhau bod y digwyddiadau’n mynd bant gyda bang!
Rydym hefyd yn gorffen ein hwythnos gan ffarwelio â’n Swyddog Ieuenctid Yasmin Morris. Bydd Yasmin yn dechrau yn ei swydd newydd gyda Menter Abertawe wythnos nesaf. Yn yr amser byr y mae Yasmin wedi bod gyda Menter Bro Ogwr, mae wedi gadael ei marc ar y sefydliad a byddwn ni’n ei gweld eisiau. Dymunwn bob lwc iddi yn ei swydd newydd. Pob lwc a diolch yn fawr iawn.
Cyri, Cwis a Chwrw!
Cawson ni noson llawn hwyl a chyri blasus yn y Six Bells yng Nghoety ar y 3ydd o Orffennaf fel rhan o ŵyl Gymraeg Menter Bro Ogwr! Diolch yn fawr i bawb am ddod ac i Alun Guile ein Cwis Feistr am baratoi a rhedeg y cwis i ni. Llongyfarchiadau mawr i’r tîm buddugol, y Twpsod Twp, am chwipio’r wobr!
Clwb Antur i’r Teulu
Mae clwb newydd a chyffrous i’r teulu yn dechrau gyda ni dros yr haf. Rhowch y dyddiadau yma yn eich dyddiaduron! Cliciwch ar y teitl i weld y poster yma’n fwy.
